28-тӥ шуркынмонэ Ижкарын Германилэн нуналъёсыз улсын удмурт кылын серемтусъёсын тунсыко адӟытон усьтӥськоз. Татын возьматэмын луозы немец студентлэн Андраш Гюролэн ужъёсыз.
Со туж тунсыкъяське удмурт кылын но лулчеберетэн, соин ик Удмурт шаере дышетскыны лыктӥз. Озьыен туж мыло-кыдо басьтӥськиз.серемтусъёссэ немец кылысь удмуртэ берыктон борды но. Нош али со ужа удмурт мифологиысь сюжетъёсын герӟаськем серемтусъёс лэсьтон бордын. Таиз удмурт кылын гожтэмын луоз ин. Соин ик оскиськом, ӝоген зэмос удмурт серемтусъёс потозы шуыса, кунгож сьӧрысь лыктэм адямиен ке но лэсьтэмын луозы.
Та адӟытон Андрашлэн улоназ нырысетӥез. 1996-тӥ арысен суредаське, соин та ужрад со понна – азьлане бадӟым вамыш лэсьтон.
Берыктон бордын ужакуз, суредась валаз, удмурт кыл 21-тӥ даурысь выль валатонъёс сярысь вераськон понна сокем азинскемын ӧвӧл на шуыса. Татын ӧвӧл на сыӵе кылъёс, кудъёсыз Шундыпуксён палась выль малпанъёсты возьмато. Со понна трос выль кылъёс кылдытыны кулэ, удмуртъёс но улонлэсь бере медаз кыле шуыса.
Адӟытон усьтӥськоз 28-тӥ шуркынмонэ 14 часэ Удмурт кун университетлэн 3-тӥ огъяулонниезлэн 6-тӥ этажысь холлаз. Адресэз – 10 лет Октября, 55а. Озьы ик татын Андраш вань мылкыд карисьёслы удмурт кылын мадёз кӧня ке серемтусъёслэн философизы сярысь но.
Пыронэз дунтэк.
Чӧлсконъёс:
No comments:
Post a Comment