Алиала калыктодос

Туала мерын лулчеберет мерасэз (наследие) утён йыгмыт ужпум луэ. Ваньмызлы тодмо, туннала егитъёс пӧлын вашкала йылол-сямъёс музейысь поттэм арбериос кадь пото,  куддыръя нош соосты воксё юрӟымен но укылтэмен лыдъяло. Калыккылослы но вашкала выжыослы туала технологиос пыр вазиськон истори но калык аспӧртэмлык шоры учконэз чылкак воштэ/йырин-чукин берыктэ: калык мерас(наследие) выль валанъёсты-шӧдонъёсты асэстэ, ез (электрон) лулчеберетлэн вакытаз быдэ вуэм егитъёслы валамон кылын ачиз сярысь маде.

“Алиала этнографи” (Алиала калыктодос) нимо адӟытонлэн одӥгез меретэз/малпанэз - йӧслык йылолъёс шоры дышымтэ сэргысен учкытон, егитъёслэсь йырзэс артэ ик улӥсь лулчеберет пала берыктон. Калыккылослэсь туала луыны быгатэмзэ пусъён.

“Алиала калыктодос” адӟытон куинь люкетлы висъяське.



1.Ӵыжы-выжыос

Та экспозициын Александр Юминовлэн туспуктэм ужъёсыз но Зоя Лебедевалэн ас киыныз куэм ковёръёсыз возьматэмын.

Та фотоосын Удмуртиын улӥсь пӧртэм калыкъёс пӧлысь аспӧртэмлыко калыккылослэн возисьёсызлэн (кряшенъёслэн, бигеръёслэн, бесерманъёслэн, ӟучъёслэн но поръёслэн) но Удмуртилэсь палэнын улӥсь удмуртъёслэн ымныръёссы туспуктэмын.
Лебедевалэн аслаз нимысьтыз "флор-текстиль" техникаеныз  быдэстэм куэмъёсыз пӧртэм турын-куаръёслэсь, емышъёслэсь, писпу пучыослэсь но мукет чыры-пырыослэсь дасямын.


2. Лиза апай/Насьта апай

Та экспозици Брангуртысь кык улӥсьлэсь суредан но крезьгуран кибашбурзэ возьматэ. Огез - Анастасия Туктаревалэн, наив суредасьлэн, темпераен суредамъёсыз но линогравюраосыз. Мукетыз - Елизавета Зарбатовалэн аслаз гожтэм кырӟанъёсыз. Ог дышемъя адӟытонлэсь экспонатъёссэ радъяло таче амалъя: бӧлет пушкын кибашбур кылдытэмъёсты интыяло но ужъёсты туспуктэмъёсын нимаз каталог печатлало. “Насьта апай/Лиза апай” адӟытон копак та дышем сямез сӧре но выль амал дэмла: борддоръёсысь Туктаревалэсь ужъёсызлэсь фотокопиоссэ гинэ учкыны луоз, нош зэмос графика ужъёсыз Елена Зарбатовалэн ужъёсыныз чош аудио-CD-лэн вылбамаз интыямын луозы. Озьыен, котькуд крезьгур CD-лэн басьтӥсез со дыре ик наив суредасьлэн одӥг ужезлэн кузёез но луоз.

3. Брангуртэз видеочотан-гожъян

Та проект - Зоя Лебедевалэн полиэкран видеоинсталляциез. Та инсталляциын Брангуртысь улӥсьёслэн зэм видеосуредъёссы, кудъёсаз соос кырӟанлэн улоназы басьтись интыез сярысь мадё но яратоно гуръёссэс кырӟало.

Адӟытон Кузонын, Кылнокарын, Глазын, Ульяновскын но Самара улосысь Ширяев нимо биеналлеын возьматэмын вал. Табере, арбыт котыръяськонэзлэн пумаз сое Ижкарысь но адзыны луоно.

Адӟытонэз кылдытыку Форд Фондлэн грант программаезъя висъям но кун возёнысь коньдон (№300-рп, 2010 аре 8 куартолэзе Росси Федерацилэн Азьмуртэзлэн косэмезъя)  уже кутэмын вал.