Оскар но лемлет нылкышно

3 коньывуонэ 20.00. "Дружба" кинотеатр. 

Эрик-Эммануил Шмиттлэн фильмез. Романэз гожтӥз но соя фильм пуктӥз ачиз автор. Кӧня ке толэзь ӵоже ни дас аресъем Оскар эмъяськонниын кылле. Анай-атайез но, эмъясьёсыз но солы висёнэз сярысь номыр уг верало. Ӟукыртӥсь пицца нуллӥсь Роз гинэ пияшен сюлмысь капчи вераське. Оскарез шулдыртон понна, Роз малпа таӵе шудон: кылем 12 нуналъёсысь котькудзэ 10 улон арен ӵошатоно. Озьы пияш быдэс улонзэ ортче. Нош мылкыдъёссэ, шумпотонъёссэ со кельтэ Инмарлы гожтэтъёсын, кудъёссэ Роз лобась шаръёсын инме лэзья. Огзы но уг валало на, кыӵе воштӥськонъёсы та эшъяськонзы вуттоз...   Тодмо француз актриса Мишель Лярок - та фильмын валтӥсь ролез шудэ. 18 аресказ нылаш машинаен пазьгиське но комае сюре. Сайкамез бере со малпанэ вуэ, актриса луэмез потэ шуыса.

«МАГОНИЯ»/«MAGONIA»

24-тӥ толшоре, «Дружба» киновозьматонни, ӝыт, билетлэн дуныз – сю манет.

«МАГОНИЯ»/«MAGONIA»

Нидерланды, 2001-ти: ар, 112 мин.
реж. Инеке Смитс
шудо: Рэмзи Наср, Дирк Руфтхуфт, Виллем Воогд, Нодар Мгалоблишвили но мукет.

Та кылбурето киноын веран мынэ малпам ин дунне сярысь. Котькуд арня пияш лыктылэ атаез доры паймымон чебер шормуӵе, кытын соос зарезь дурын лэзьяло инбаме омыр кыйез. Атаез паймытэ пизэ Магония кун сярысь куинь паймымон выжыкылэн. Ӵошен соос пукто Магония нимо флотысь корабль но мылкужымзылы визьпӧръет сёто. Ассюресъёс кыско соосты минаретъёс но мечетьёс, пустыняос но зарезьёс доры. Пияш учке дунне шоры атаезлэн синмыныз но вала атаезлэсь пушдуннезэ. Нырысьсэ со вала атаез яратӥсь ке но – капчи вӧсь луись мурт. Атай но пи понна Магония – кутонтэм но осконтэм мылдуннеен, быдэстонтэм мылкужымен пачылмем инты, выжыкыло дунне, кытын луэ пилем сьӧры но ватскыны.

Киноклуб: ПИЧИ КАР

25 коньывуон, «Дружба» киновозьматонни, жытазе, дуныз - 100 манет.
ПИЧИ КАР / KASABA
Потэмын Турциын 1997 арын, кыстиське 85 минут.
Режиссер: Нури Бильге Джейлан
Шудо: Джихат Бютюн, Эмин Джейлан, Фатма Джейлан, Музаффер Оздемир, Хавва Саглам, Эмин Топрак но мукетъесыз.
Пичи карысь одиг турецкой семьялэн историез. Киноын возьматэм учыръёс быгатысалзы одиг нунал куспын но ортчыны, но кино кутскыку ӵукна, куке пиналъёс дышетскыны мыно, - педлон лымыё но шундыё тол, нош кинолэн пумаз - ӝытазе, бер гужем: семья бусы дурын тылскем дорын люкаськемын.
Та сьӧд но тӧдьы буело киноез поттиз Турциысь али дыре одигез тужгес тунсыко режиссёр (огдыре со ик кинооператор но фотосуредась луэ). Эстетикаезъя со матын луэ Антониолы, Бергманлы но Тарковскийлы. Та кинолы выли дунъет сётемын Берлинысь, Анжеысь, Стамбулысь но Токиоысь кинофестивальёсын.