5-тӥ (декабрь) толсур, к/т Дружба, 18.30 . СЬӦД НЯНЬ

5-тӥ (декабрь) толсур, к/т Дружба, 18.30
ЧЕРНЫЙ ХЛЕБ / СЬӦД НЯНЬ / PA NEGRE 

Испания, 2010, 113 минут.
реж. Агусти Вильяронга
Шудо: Франсеск Коломер, Марина Комас, Нора Навас, Рохер Касамайор, Луиза Кастель, Мерсе Аранега и др.

Каталон кылын ӟуч субтитръёсен

Киноын возьматӥське граждан ож бере Испания, генерал Франколэн диктатура вакытэз, Каталония улосвылысь гуртын улон.
… Ӝужыт гурезьысен улӥе валэн уробо лобе. Усе но кытчы ке дыртыса мынӥсь пичи пияш азе пул, ӟустари но адями мугоръёс пазьгисько…
Озьы кутске фильм, нырысетӥ кадрысен ик учкисьёсты бордаз кыскыса яке экран дорысь палэнскытыса.
Шимес уж понна янгыше уськыто пилэсь, 11 аресъем Андреулэсь атайзэ. Соку Андреу ачиз малпа шедьтыны зэмлыкез. Озьы действие мынэмъя пияшлы улонлэн кырсь палыз усьтӥськоз, анай-атайзэ янгыше уськытон, вож потон кылдоз, кышкыт ватэм малпанъёс шараяськозы. Зэмлыкез утчан трос аръёс ӵоже, будэменыз валче, кыстӥськоз.
Агусти Вильяронгалэн «Сьӧд нянь» картинаез − кужмо но сюлме пырись, француз триллеръёсты тодэ вайытэ, фильмысь крезьгур эшшо но золскытэ, нош учкисьлэн азяз вошъяськись гурт улон суредъёс паймытэмысь уг дугдо.
2010 арын испан кино понна та фильм выль шӧмо вал, соин 9 йӧскалык Goya премия басьтӥз. Татын пилэн но атай-анаезлэн конфликтсы аспӧртэмлыко возьматэмын: шуг валаны геройлэсь вамышъёссэ – со курбон яке матысь муртэдлэсь куштӥськон. Но сыӵе со адямилэн улонэз: одӥг шонер луись дунъет нокызьы уд сёты...

"Берыктонлэн шуг-секытъёсыз"

Нырысетӥ удмурт кылын комиксъёсын адӟытон
28-тӥ шуркынмонэ Ижкарын Германилэн нуналъёсыз улсын удмурт кылын серемтусъёсын тунсыко адӟытон усьтӥськоз. Татын возьматэмын луозы немец студентлэн Андраш Гюролэн ужъёсыз.

Алиала калыктодос

Туала мерын лулчеберет мерасэз (наследие) утён йыгмыт ужпум луэ. Ваньмызлы тодмо, туннала егитъёс пӧлын вашкала йылол-сямъёс музейысь поттэм арбериос кадь пото,  куддыръя нош соосты воксё юрӟымен но укылтэмен лыдъяло. Калыккылослы но вашкала выжыослы туала технологиос пыр вазиськон истори но калык аспӧртэмлык шоры учконэз чылкак воштэ/йырин-чукин берыктэ: калык мерас(наследие) выль валанъёсты-шӧдонъёсты асэстэ, ез (электрон) лулчеберетлэн вакытаз быдэ вуэм егитъёслы валамон кылын ачиз сярысь маде.

“Алиала этнографи” (Алиала калыктодос) нимо адӟытонлэн одӥгез меретэз/малпанэз - йӧслык йылолъёс шоры дышымтэ сэргысен учкытон, егитъёслэсь йырзэс артэ ик улӥсь лулчеберет пала берыктон. Калыккылослэсь туала луыны быгатэмзэ пусъён.

“Алиала калыктодос” адӟытон куинь люкетлы висъяське.

Концерт Мынам Яратоно Удмуртие

"Мынам Удмуртие" телерадиокомпанилы — 10 ар. Юбилейлы сӥзьыса, 3-тӥ шуркынмонэ удмурт театрын бадӟым концерт ортчоз. "Мынам Удмуртие" телерадиокомпания сое удмурт театрен но удмурт культурая "Дэмен" огазеяськонэн ӵош радъяло. Концертын шулдыр мылкыд кузьмалозы элькунысьтымы тодмо артистъёс- Геннадий Бекманов, Валентина Пудова, Андрей Ураськин, Надежда Уткина но мукетъёсыз. Озьы ик, быгатонлыкъёссэс возьматозы телерадиокомпаниын ӵош ужась эшъёсмы но. Али сценарий дасян бордын мылысь-кыдысь тыршо журналист Александр Бикузин но режиссёр Павел Поздеев.

АЛЕКСАНДР БИКУЗИН "МЫНАМ УДМУРТИЕ" ТЕЛЕКАНАЛЫСЬ КОРРЕСПОНДЕНТ:
"Куинь пол вошъям сценариез ини, малыке шуоно, трос мылкыд карисьёс пыриськыны концертэ, кырӟасьёс, эктӥсьёс. гожтӥськом кык но куинь но антракт, учкисьёслы шулдыргес, аспортэмлыкогес мед луоз шуыса."

Инфо веме: "Удмуртлык", "Удмафиша"

Григорей Славилэн суредъёсыныз возьматон усьтӥськоз

14 коньывуонэ Кузебай Герд нимо музейын 17.00 часын Вячеслав Михайловлэн (Григорей Слави) суредъёсыныз возьматон усьтӥськоз. В. Михайлов удмурт суредаськись. Ужъёсыз висъясько туала но туж аспӧртэмлыко луэменызы.

Оскар но лемлет нылкышно

3 коньывуонэ 20.00. "Дружба" кинотеатр. 

Эрик-Эммануил Шмиттлэн фильмез. Романэз гожтӥз но соя фильм пуктӥз ачиз автор. Кӧня ке толэзь ӵоже ни дас аресъем Оскар эмъяськонниын кылле. Анай-атайез но, эмъясьёсыз но солы висёнэз сярысь номыр уг верало. Ӟукыртӥсь пицца нуллӥсь Роз гинэ пияшен сюлмысь капчи вераське. Оскарез шулдыртон понна, Роз малпа таӵе шудон: кылем 12 нуналъёсысь котькудзэ 10 улон арен ӵошатоно. Озьы пияш быдэс улонзэ ортче. Нош мылкыдъёссэ, шумпотонъёссэ со кельтэ Инмарлы гожтэтъёсын, кудъёссэ Роз лобась шаръёсын инме лэзья. Огзы но уг валало на, кыӵе воштӥськонъёсы та эшъяськонзы вуттоз...   Тодмо француз актриса Мишель Лярок - та фильмын валтӥсь ролез шудэ. 18 аресказ нылаш машинаен пазьгиське но комае сюре. Сайкамез бере со малпанэ вуэ, актриса луэмез потэ шуыса.

Мар милемыз вите. Куарусён

Ижын улисьёс ас каренызы тодматись он-лайн экскурсия кылдытозы

Ижын улисьёс ас каренызы тодматись он-лайн экскурсия кылдытозы

Ижын улисьёс ас каренызы тодматись он-лайн экскурсия кылдытон бордын ужалозы.
.Мускоысь но Новосибирскысь туала суредасьёс "Россиысь туала политической искусство" темая Ижкарын улисьёслы мастер-классъёсын но семинаръёсын ужамъёсынызы тодматозы.

19-25 тулыспалэ Ижкарын "Политической искусство" проектэн герзаськем лулчеберет ужрадъёс ортчозы. Проект радъяськоз кылъя но лулчеберетъя вошъяськон(обмен) бордын ужась MitOst огазеяськонлэн юртиськемез улсын - вера ужрадэз бергатись Наталья Боголюбская.

Удмурт Кун Университетын Антон Николаев но Р. Бош нимо фондлэн лекторез Сузен Зайдель "Освоение городского пространства и медиа-проекты" нимо воркшоп (практической семинар) ортчытозы.

Ужрадэ пыриськисьёс выль сямен Ижкар шоры учкыны быгатозы, тодэ ваёнъёсынызы, ортчем учыръёсынызы герзаса карта лэсьтозы.Со сяна медиа-проект кылдытыны дышетскозы, - огъяса вера Наталья.

Политической искусствоя нуналъёслэн радлыксы:

19-24 тулыспал
Инты: Удмурт Кун Университет

"Освоение городского пространства и медиа-проекты" нимо воркшоп/семинар

19 тулыспалэ 17:00
Инты: «Известия Удмуртской Республики» газетлэн галереяез (Пастухов нимо ульча, 13).
Антон Николаев суредасьлэн лекциез («Бомбилы» группа, Муско-Новосибирск). Темаез: "Россиысь туала политической искусство".
Антон вералоз Россиысь артсцена но "Война" группаен чош кылдытэм но аслаз ужъёсыз сярысь.

25 тулыспалэ 17:00
Инты: «Известия Удмуртской Республики» газетлэн галереяез
Антон Николаевлэн возьматонэз (графика, видео-арт но воркшопэз орчытон дыръя дасям видеопрезентациез).

Кышно лирикалэн синучконаз – удмурт кырӟась Надежда Уткина.

28 толшоре Игра черко гуртын Удмурт Элькунысь сӥё-дано артисткалэн Надежда Уткиналэн ортчоз крезьгуро-кылбурето ӝытэз. «Сюлэмлы кӧкы гур» нимо программаезлэн иназ быдэсак пыӵамын кышно лирикая кылбурет. Татчы пыртэмын удмурт но ӟуч кылбурчиослэн – Марина Цветаевалэн, Анна Ахматовалэн, Римма Казаковалэн, Люза Бадретдиновалэн, Галина Романовалэн, Людмила Кутяновалэн, Алла Кузнецовалэн, Татьяна Черновалэн кылъёссыя пӧртэм аръёсы артисткаен гожтэм кырӟанъёс. Со сяна, концертын чузъяськозы на Надежда Уткиналэн кылбуръёсыз но.
Кырӟасьлы шудоз калык инструментъёсъя «Зарни крезьгур» оркестр. (Кивалтӥсез но дирижерез – Алексей Фомин).

Иж, «Авиатор» клуб, «Вордскем нуналзэ пусъе Леди Ди» шулдыръяськон жыт, 29-тӥ январь

Можга ёросын вордскем нылаш Диана Шутова 3 аресозяз чылк-чылк удмурт кылын вераськиз. Бӧрысь семьяеныз городэ улыны выжиз но анай кылзэ вунэтӥз. Та нуналлы Диана улэ Сарапулын, кырӟа асэныз кылдытэм «Bossa Nova» группаяз. «Культпросвет» промо-группа «Bossa Nova» группаез пыриз 2010-тӥ арлэн тужгес но яркыт усьтонъёсыз пӧлы. «DART» газет кичӧлтэмъя 29-тӥ январе «Авиатор» клубын ортчоз Дианалэсь Вордскем нуналзэ пусъён. Калыкез шулдыртозы удмурт рок-группаос (Amiso Wott) но ӝужась кизилиос Марина Михайлова, Алина Антонова.

Кылӥд-адӟид - иворты!

Ӝыт шулдыръяськонын шутэтскид, концертэ вуылӥд, тунсыко книга лыдӟид, выль диск кылзӥд? Тэк эн пукы - мылкыдъёстэ но малпанъёстэ вера милемлы udmdunne@udmnet.ru адресъя. «Кебит возьмасе» шедем тужгес тунсыко гожтэмъёслэн кузёоссы басьтозы «Авиатор» но Fashion клубъёсысь ӝытэ яке Udmurt party-e билет но «Мынам Удмуртие» радиолэн «Эктоника» программаезлэсь дисксэ.

Румын кинолэн фестивалез

27 толшорысен - 2  тулыспалозь Дружба кинотеатрын Румын кинолэн фестивалез ортчоз.

Румыния - выль кинокун, кудӥз дӥсьтӥз вуж кинематограф-ветеранъёс - Франция, Германия, Италия, Россия радэ султыны. Румынъёс -  выль даурлэн тужгес валтӥсь, туала,  тунсыко, дӥсьтӥсь кинематографистъёсыз. Быдэс дуннеын ӧвӧл ке но, ӵукпал Европаын.


Нырысьсэ Россиысь вить карын, озьы ик Ижкарын, возьматозы аспӧртэмлыко  программа, кудӥз дасямын Румын лулчеберетъя институтэн, но кудӥз возьматэ "румын феноменлэсь" быдэс радзэ: "выль тулкымысь" тужгес тунсыко фильмъёсты но туж шер пумиськылӥсь мэтръёслэсь фильмъёссэс - соослэн азьвылчиоссылэсь.
Фестиваль ортчоз 27 толшорысен  (покчи арня) - 2 тулыспалозь (вирнунал). Котькуд фильм возьматӥське одӥг пол гинэ "Дружба" кинотеатрын 18.50 часын. Берыктон ортчытӥське со дыре ик залын яке субтитръёсын экран вылын. Кино возьматон нуналэ басьтэм билетлэн дуныз
120 манет, нош азьлогес ке - 100 манет.
Дыртэ басьтыны билетъёсты Дружба кнотеатрысь. Юанъёсъя вазиськыны быгатӥськоды кассае 78 12 07.
Котькуд сеансын утыны луэ калык вузъёсъя "Традиции мира" лавкаысь пичи кузьымъёсты но Ижкар киноклублэн вуоно возьматонъёсаз дунтэк ӧтёнъёс.
Тросгес тодэмед луоз татысь: http://vkontakte.ru/page-8239044_34637323

"Дорвыжы" спектакльлэн билетъёсыз понна вожмаськон

Йӧскалык Театр но "Удмурт дунне" газет ӧтё учкыны 2011 арын тужгес возьмам спектаклез - удмурт эпосъя кылдытэм кык люкамен "Дорвыжы" эпосэз. Дырты билетъёс утыны! http://vkontakte.ru/event23390374

Удмурт ПЕН-клубен (Пётр Захаров) пумиськон

25.01.2011. Йӧскалык библиотекаын ортчоз удмурт ПЕН-клубен (Пётр Захаров) пумиськон. Та пумиськонын ас кылбуръёссэс лыдӟозы эстон кылбурчиос Маарья Кангро («Эврика») и Михкель Каэватс («Мынам батыре тутыйлибубыли» / «Мой герой бабочка»). Кылбуръёсты берыктӥз Нади Пчеловодова (Муш Нади).
Озьы ик та нуналэ лыдӟиськон юртын ортчоз Удмурт ПЕН-клубен поттэм книгаослэн возьматонзы.

Егит эстон но удмурт кылбурчиосын пумиськон

Alnash jorosysj Sizjgurt klubyn shuldyr luoz. Kunoje vuo jegit eston kylburtsjios Maarja Kangro no Mihkel Kaevats. Lyktoz Petr Zaharov no. Kyrdzjanjosse kyrdzjaloz Sergei Kirillov. Basjtyny luoz tshyzh-vylj udmurt knigaosty. Vozjmasjkomy vanj mylkyd karisjosty 24 tolshore Sizjgurte. Pumisjkon kutskoz 18 tsjasyn. Juanjosyn vazisjkyny luoz telefonja 89501662462 (Nadi Mush).

«МАГОНИЯ»/«MAGONIA»

24-тӥ толшоре, «Дружба» киновозьматонни, ӝыт, билетлэн дуныз – сю манет.

«МАГОНИЯ»/«MAGONIA»

Нидерланды, 2001-ти: ар, 112 мин.
реж. Инеке Смитс
шудо: Рэмзи Наср, Дирк Руфтхуфт, Виллем Воогд, Нодар Мгалоблишвили но мукет.

Та кылбурето киноын веран мынэ малпам ин дунне сярысь. Котькуд арня пияш лыктылэ атаез доры паймымон чебер шормуӵе, кытын соос зарезь дурын лэзьяло инбаме омыр кыйез. Атаез паймытэ пизэ Магония кун сярысь куинь паймымон выжыкылэн. Ӵошен соос пукто Магония нимо флотысь корабль но мылкужымзылы визьпӧръет сёто. Ассюресъёс кыско соосты минаретъёс но мечетьёс, пустыняос но зарезьёс доры. Пияш учке дунне шоры атаезлэн синмыныз но вала атаезлэсь пушдуннезэ. Нырысьсэ со вала атаез яратӥсь ке но – капчи вӧсь луись мурт. Атай но пи понна Магония – кутонтэм но осконтэм мылдуннеен, быдэстонтэм мылкужымен пачылмем инты, выжыкыло дунне, кытын луэ пилем сьӧры но ватскыны.

AMISO WOTT party! Макмыр, визьтэм йыр

5 тулыспалэ 2011 г. Азаматово гуртын Алнаш ёросын ортчоз ""AMISO WOTT party! Макмыр, визьтэм йыр".

ПРОГРАММАын:

• АМИСО ВОТ (удмурт панк-рок),
• Ури-Бери(удмурт рэп),
• Алина Антонова (удмурт поп).

AMISO WOTT party! орчтоз Азамат клубын.

24 толшоре Fashion клубын UDMURT PARTY

24 толшоре Fashion клубын UDMURT PARTY Дими Загребинлэн вордскем нуналэзлы сӥзем пати луоз. Айкай но Анисимов Коли выль номеръёс дасяло, озы-ик тилдын А.Катков, А.Ложкин, К.Никитин, Ю.Никитина, Udmurt FM dj-сет но муктъёсыз.dj Эркишев и Пушкин.